`Kardaşyan bacardığı işlə məşğul olsun` - Səfir

`Kardaşyan bacardığı işlə məşğul olsun` - Səfir
  07 Aprel 2016    Oxunub:4060
Azərbaycanın ABŞ-dakı səfiri Elin Süleymanov Qarabağ münaqişəsində Ermənistanı dəstəkləyən realiti-şou ulduzu Kim Kardaşyanı tənqid edib.
Bu barədə diplomat “Foreign Policy”ə verdiyi müsahibəsində bildirib. Səfir qeyd edib ki, Kardaşyan bu məsələdə anlayışa sahib deyil. Onun fikrincə, “realiti şou ulduzu üçün hərb və sülh məsələləri çox ciddi məsələdir”.

“Mən, məsələn, realiti-şou üçün çox pis ulduz olardım, ona görə də bilmədiyim mövzularda müzakirəyə girmirəm. Mən Kardaşyanın hərbi və ya siyasi analitik olduğundan da əmin deyiləm. Kim hansı işi daha yaxşı bacarırsa, o işlə məşğul olsun”, - səfir bəyan edib.

Xatırladaq ki, Kim Kardaşyan daha öncə Ermənistanı Qarabağ münaqişəsində dəstəkləmişdi. O, öz İnstaqram səhifəsində “Ermənistanda və bütün dünyada olan ermənilər üçün dua edirəm” yazmışdı.


Teqlər:  





Xəbər lenti


Azvision.az ©2014 | Bütün hüquqları qorunur