Özgecanın qatili həbsxanada öldürüldü

Özgecanın qatili həbsxanada öldürüldü
  12 Aprel 2016    Oxunub:2932
Ölümü ilə bütün Türkiyəni ayağa qaldıran tələbə Özgecan Aslanın qatili Ahmet Suphi Altındöken və atası Necmettin Altındöken həbsxanada silahlı hücuma məruz qalıb.
AzVision.az Türkiyə mətbuatına istinadən xəbər verir ki, Adanada həbsxanada saxlanılan Ahmet Suphi Altındöken sinəsindən, atası isə qarın boşluğu və bud nahiyəsindən silahla vurulub.

Hadisədən sonra xəstəxanaya yerləşdirilən Ahmetin həyatını xilas etmək mümkün olmayıb.

Ədliyyə Nazirliyi baş vermiş hadisənin araşdırılması üçün müstəntiqlər göndərib. Bu arada xəstəxanada ciddi təhlükəsizlik tədbirləri görülüb.

Hücumda istifadə edilmiş tapançanın 6, 35 millimetr çapında olduğu bildirilir.

Tələbə Özgecan Aslanın böyük ictimai hiddətə səbəb olmuş qətlinə görə Ahmet Suphi Altındöken, onun atası Necmettin Altındöken və dostu Fatih Gökçe sərt rejimli həbsxanada ömürlük həbs cəzasına məhkum edilmişdi. Bu hadisə bütün Türkiyə boyunca misilsiz ictimai rezonans yaratmışdı.

AzVision.az


Teqlər:  





Xəbər lenti


Azvision.az ©2014 | Bütün hüquqları qorunur