AzVision.az erməni KİV-lərinə istinadən xəbər verir ki, İstintaq Komitəsinin məlumatına görə, Köçəryanın evinə tərəf qumbara naməlum şəxs tərəfindən avtomobildən atılıb. Kimliyi araşdırılan şəxs qumbaranı atdıqdan sonra hadisə yerindən uzaqlaşıb.

Hadisə yerinə operativ qrup göndərilib, baş verən olayın aydınlaşdırılması üçün tədbirlər görülüb.

Bildirilib ki, qumbara həyətin giriş tərəfinə düşüb. Hadisə yerinə baxış keçirilib, bəzi şahidlər dindirilib. Axtarış tədbirləri davam etdirilir.

Köçəryanın evinə hücum edən şəxsin kimliyi Ermənistanda geniş müzakirələrə yol açıb. Hadisə Köçəryana qarşı siyasi təzyiq kimi qiymətləndirilir. Anoloji hadisənin Ermənistanda yaxın günlərdə intensiv şəkildə təkrarlanacağı ehtimal edilir.

Hətta iddia edilir ki, Köçəryanın evinin partladılması planı ölkə rəhbərliyinin sifarişi ilə gerçəkləşdirilib.

AzVision.az