Ölkədən 12 kiloqram qızıl çıxaranlar tutuldu

Ölkədən 12 kiloqram qızıl çıxaranlar tutuldu
  19 Aprel 2016    Oxunub:2710
Azərbaycan vətəndaşları Gürcüstana yüksək əyyarlı 12 kq qızıl və 131 min 950 ABŞ dolları keçirməyə cəhd edərkən saxlanılıblar.
AzVision.az “Novosti-Qrusi”ya istinadən xəbər verir ki, bu barədə məlumatı Gürcüstan Maliyyə Nazirliyinin mətbuat xidməti yayıb.

Qeyd olunub ki, onlar sərhədi keçərkən apardıqları pul və qızıl barədə bəyannamə yazmayıblar, qızıl külçəni və pulu avtomobilin saxlanc yerində Gürcüstan ərazisinə keçirmək istəyiblər.

Gürcüstan polisi Bayram Gəncəliyev və Elman Hüseynovu həbs edib, qızıl və pulu dəlil olaraq götürüb. Saxlanılan şəxslər 8 ildən 11 ilə qədər azadlıqdan məhrum edilə bilərlər.

Qeyd edək ki, qızıl külçələrin dəyəri 490 min dollara yaxın qiymətləndirilib.

İlkin Nəcəfzadə

AzVision.az


Teqlər:  





Xəbər lenti


Azvision.az ©2014 | Bütün hüquqları qorunur