Ermənistan baş nazirinin mətbuat katibi Qoar Poqosyan özünün `Facebook` səhifəsində hökumətin “DQR”in müstəqilliyinin tanınması ilə bağlı qanun layihəsini bəyənməsi xəbərləri təkzib edib.
“Hökumətin yekun fikrində qeyd olunur ki, icra orqanı qanun layihəsinin qəbulunu Ermənistanla Dağlıq Qarabağ arasında hadisələrin sonrakı inkişafı, o cümlədən xarici amillər nəzərə alınmaqla müzakirələrin nəticəsi ilə şərtləndirəcək. Başqa sözlə, indiki mərhələdə hökumət DQR-in müstəqilliyinin tanınması barədə qanun layihəsini bəyənməyib”, - deyə o bildirib.
Eyni zamanda Ermənistan Xarici İşlər Nazirliyinin bəyanatında bildirilir ki, rəsmi İrəvan “DQR”in müstəqilliyini tanıyacağını dəfələrlə açıq şəkildə bəyan edib: `Etibarlı tərəfdaş kimi Ermənistan prezidenti bu kimi vacib qərarla bağlı əvvəlcədən öz həmkarlarını, həmçinin ATƏT-in Minsk qrupunun həmsədr ölkələrini məlumatlandıracaq`.
Bundan başqa Ermənistan parlamentinin mayın 10-da keçiriləcək növbədənkənar toplantısının gündəliyinə qondarma "Dağlıq Qarabağ Respublikası"nın tanınması məsələsi daxil edilməyib.
BBC-nin məlumatına görə, parlamentin iclasının gündəliyinə 15 məsələ daxil edilib və “Dağlıq Qarabağın müstəqilliyinin” tanınması gündəlikdə yoxdur.
İlkin Nəcəfzadə
AzVision.az
Sarksiyandan geriyə addım: `DQR` tanınmayacaq
05 May 2016
Oxunub:43639
Vaxtında, Aydın, Lazımlı!
-1745759929.jpg&h=190&w=280&zc=1&q=100)
_VuUFM__HD-(1)-1746091328.jpg){kind=spacer}
