Ermənistan parlamenti `DQR`-ı tanımayacaq

Ermənistan parlamenti `DQR`-ı tanımayacaq
  10 May 2016    Oxunub:3168
İrəvanın qondarma “Dağlıq Qarabağın tanınması”na dair qanun layihəsi Ermənistanın Milli Məclisinin növbədənkənar iclasının gündəliyinə salınmayıb.

AzVision.az xəbər verir ki, bu barədə `TASS`agentliyinə Ermənistan parlamentinin aparatından bildirilib.

“İki müxalifətçi deputat – Zauri Postancyan və Qrant Baqratyanın Ermənistanın “Dağlıq Qarabağın tanınması”na dair qanunverici təşəbbüsü, hökumət tərəfindən təqdim edilən gündəmdə yoxdur”, - aparatdan qeyd ediblər.

Qeyd edək ki, mayın 5-də Ermənistan hökumətü bu qanun layihəsi üzrə rəy qəbul edərək onu parlamentə təqdim edib.

Ermənistan Milli Məclisinin İctimaiyyət və KİV ilə əlaqə idarəsinin rəisi Arsen Baboyan mayın 5-də bəyan edib ki, parlamentin xarici əlaqələr üzrə komissiyası bir ay müddətində bu qanun layihəsinin iclaslardan birinin gündəminə daxil olub-olmamayacağı məsələsi üzrə qərar qəbul etməlidir.

Bununla yanaşı, komissiya üzvləri bu məslənin baxılmasını təxirə də sala bilər.

Eldar Tanrıverdiyev
AzVision.az


Teqlər:  





Xəbər lenti


Azvision.az ©2014 | Bütün hüquqları qorunur