66 nəfərin yoxa çıxdığı təyyarə vurulub? - Terror ehtimalı

  19 May 2016    Oxunub : 12846
66 nəfərin yoxa çıxdığı təyyarə vurulub? - Terror ehtimalı
Misirin baş naziri Şərif İsmayıl Aralıq dənizi üzərində yoxa çıxan "EgyptAir" aviaşirkətinin təyyarəsi ilə bağlı vəziyyəti öyrənmək üçün hava limanına gedib.
AzVision.az TASS-a istinadən xəbər verir ki, İsmayıl Şerif jurnalistlərə açıqlamasında Parisdən Qahirəyə uçuş həyata keçirən təyyarədə terror aktının törədilmə ehtimalını istisna etməyib.

Terror aktı ehtimalı barədə danışan ekspert, mülki aviasiyanın pilotu Jerar Felzer deyib ki, təyyarə göydə parçalanıb:

“Ehtimal ki, təyyarə səmada tez parçalanıb. Bu, texniki və ya partlayıcı qurğunun işə düşməsi səbəbindən baş verə bilər. Partlayıcı qurğu isə sərnişinlər üçün gətirilən qida məhsullarının içərisində təyyarənin göyərtəsinə keçirilə bilər”.

Bundan başqa qeyd olunub ki, “EgyptAir” şirkəti üç istiqamət üzrə baş verə biləcək təxribatın qarşısını almaq üçün gücləndirilmiş iş rejimində işləyib.

Qeyd edək ki, Misir sərnişin təyyarəsi Parisin “Charles de Gauelle” aeroportundan havaya qalxıb. Təyyarənin göyərtəsində 56 sərnişin olmaqla, 66 nəfər olub. Təyyarə Yunanıstanın Karpatos adası yaxınlığında qəzaya uğrayıb.

İlkin Nəcəfzadə
AzVision.az

Teqlər: