`Heç kimdən qorxmuram` - Savçenko azadlıqda (VİDEO)

`Heç kimdən qorxmuram` - Savçenko azadlıqda (VİDEO)
  25 May 2016    Oxunub:4806
“Artıq vətənimdə, azadlıqdayam. Yenidən döyüş meydanına qayıtmağa və Ukrayna uğrunda canımdan keçməyə hazıram”
AzVision.az xəbər verir ki, bunu azadlığa buraxılan Ukraynının Milli Qəhrəmanı Nadejda Savçenko Kiyevdə onu qarşılayan insanlarla görüşündə bildirib.

“Mən uzun müddət insanlardan təcrid olunmuşam. Bağışlayın sərt reaksiya verə bilərəm”, - deyə Savçenko ilk açıqlamasını verib.

Savçenko bundan sonra jurnalistlərin istənilən sualına cavab verəcəyini, heç kimdən qorxmadığını bildirib.



***

Ukraynanın Milli Qəhrəmanı Nadejda Savçenko artıq doğma vətənindədir.

AzVision.az xəbər verir ki, Savçenkonu gətirən prezident təyyarəsi Kiyevin `Borispol` hava limanına enib.

Bu barədə prezident Pyotr Poroşenko özünün `Twitter` səhifəsində yazıb.



**

Ukraynada əsirlikdən azad olunan Rusiya Müdafiə Nazirliyi Baş Kəşfiyyat İdarəsinin zabitləri Yevgeni Yerofeyev və Aleksandr Aleksandrovu gətirən təyyarə artıq Moskavaya çatıb.

AzVision.az gazeta.ru-a istinadən xəbər verir ki, təyyarə Moskvanın “Vnukovo-2” hava limanına eniş edib.

Ukraynanın Milli Qəhrəmanı Nadejda Savçenkonun olduğu Ukrayna prezidentinin təyyarəsi hazırda Kiyevə çatmaq üzrədir.

Savçenkonu prezident Pyotr Poroşenko özü qarşılayacaq. O, artıq hava limanındadır.



Eldar Tanrıverdiyev
AzVision.az


Teqlər:  





Xəbər lenti


Azvision.az ©2014 | Bütün hüquqları qorunur