Nalbandyan Parisdə nələri müzakirə edib?
Məlumata əsasən görüşdə atəşkəs rejiminin pozulmasının araşdırılmasına dair mexanizmlərin yaradılması və ATƏT-in fəaliyyətdə olan sədrinin şəxsi nümayəndəsinin səlahiyyətlərinin artırılması məsələləri müzakirə olunub.
Görüş zamanı münaqişə tərəflərinin Vyana sammitində əldə olunan razılaşmalara əməl etməsinin vacibliyi vurğulanılıb.
Xatırladaq ki, mayın 16-da Avstriyanın paytaxtı Vyanada Azərbaycan Prezidenti İlham Əliyevlə Ermənistan Prezidenti Serj Sarkisyan arasında görüş keçirilib. Görüşdə ABŞ-ın dövlət katibi Con Kerri, Rusiyanın xarici işlər naziri Sergey Lavrov, Fransanın Avropa məsələləri üzrə dövlət katibi Harlem Dezir, ATƏT-in Minsk qrupunun həmsədrləri və ATƏT-in hazırkı sədrinin xüsusi nümayəndəsi Anji Kaspşik iştirak ediblər.
Eldar Tanrıverdiyev
AzVision.az