Rusiyadakı faciəyə görə 5 nəfər tutuldu

Rusiyadakı faciəyə görə 5 nəfər tutuldu
  20 İyun 2016    Oxunub:2112
Rusiyada Syamozero gölündə uşaqların ölümünə görə daha bir nəfər tutulub.
AzVision.az xəbər verir ki, bunu Rusiya İstintaq Komitəsinin rəsmi nümayəndəsi Vladimir Markin “Vesti-FM” radiosunun efirində deyib. Onun sözlərinə görə, saxlanılan şəxs 1997-ci ildə anadan olan təlimatçı Valeri Krupnodelşikovdur.

Qeyd olunub ki, hadisə ilə bağlı beş nəfərə qarşı ittiham irəli sürülüb.



Daha əvvəl “Park otel “Syamozero” MMC-nin direktoru Yelena Reşetova, onun müavini Vadim Vinoqradov, habelə təlimatçılar Regina İvanova və Lyudmila Vasilyeva saxlanılıblar.



İstintaq əvvəlcə 14 uşağın həlak olması barədə məlumat verib. Rusiya Federasiyası Prezidenti yanında uşaq hüquqları üzrə müvəkkil Pavel Astaxov deyib ki, 15 nəfərin cəsədi tapılıb. Kareliyanın başçısı Aleksandr Xudilaynen daha sonra bildirib ki, hazırda 13 yeniyetmənin həlak olması məlumdur, daha bir uşağın axtarışları davam edir.



Həlak olmuş 13 uşağın cəsədi iyunun 20-də səhər saatlarında xüsusi reyslə Moskvaya gətirilib. Kareliyanın və Moskvanın hakimiyyət orqanları iyunun 20-ni matəm günü elan ediblər.



AzVision.az


Teqlər:  





Xəbər lenti


Azvision.az ©2014 | Bütün hüquqları qorunur