Gürcüstanın bir hissəsi su altında qaldı

Gürcüstanın bir hissəsi su altında qaldı
  09 İyul 2016    Oxunub:2175
Gürcüstanın bir neçə rayonu leysan yağışları nəticəsində su altında qalıb.
AzVision.az anspress-ə istinadən bildirir ki, gecə başlayan leysan yağışları Qərbi Gürcüstanı, xüsusilə Acarıstan, İmereti və Abxaziya rayonlarının ərazilərini su altında qoyub.

Əldə olunan məlumata görə, güclü yağışlar nəticəsində Van bölgəsində (İmereti) 50-dən çox kənd, rayon ərazisinin 80%-i su altında qalıb. Daha çox Çixesulori, Mtisdziri, Şuamta, Salxino və Dixaşxo kəndləri zərər görüb.

Məlumatda o da deyilir ki, yerli əhalinin məhsulu yararsız hala düşüb. Elektrik xətlərinə ziyan dəyib və bu səbəbdən əhali işıqsız qalıb. Yağış hələ də davam etdiyindən müvafiq xidmət orqanları təmizləmə və bərpa işlərinə başlaya bilmir.

Leysan Batuminin (Acarıstan) mərkəzi küçələrini də su altında qoyub. Xüsusilə ziyan görən küçələrə Şapatava, Sulaberidze, Saakadze, Tabidze, Makaçariya, Ximşiaşvili, Lermontova və Baqrationa aiddir.

Təbii fəlakətin nəticələrinin aradan qaldırılması üçün bütün müvafiq xidmətlər gücləndirilmiş iş rejimində çalışır.

AzVision.az


Teqlər:





Xəbər lenti