Ermənistan hakimiyyətinin “başın”da duranların uğursuz vərdişləri diqqətdən yayınmır. Hər hansı məmurun yerinə onun oğlunun gətirilməsi buna bariz nümunə göstərilir. Hazırki mexanizm Ermənistan Silahlı Qüvvələrinin Baş Qərargah rəisi Yuri Xaçaturova da tətbiq ediləcək.
AzVision.az Ermənistanın “İrates” qazetinə istinadən xəbər verir ki, Y. Xaçaturovun oğlu Qriqori Xaçaturov prezidentin sərəncamı ilə 5 il müddətinə 3-cü ordu korpusunun komandanı təyin edilib.
Sarksiyan 2010-cu ildə Q. Xaçaturovun işdə yol verdiyi nöqsanlara görə 4-cü ordu korpusunun rəhbəri vəzifəsindən azad olunmasını nəzərə almadı. İqtidar general Yuri Xaçaturovu vətən qarşısında “borcu yerinə yetirdiyi” üçün “əliboş”, “mükafatsız” buraxmayacığını nümayiş etdirdi. Çünki, generalı başqa cürə yerindən tərpətmək mümkün olmazdı.
Odur ki, hazırda Ermənistan Silahlı Qüvvələrinin Baş Qərargah rəisi Yuri Xaçaturovun istefaya gedəcəyi və onun yerinə oğlu Qriqori Xaçaturovun gələcəyi gözlənilir. “Artıq bununla bağlı hazırlıqlara başlanıb” - deyə qəzet bildirib.
İlkin Nəcəfzadə
AzVision.az
Ermənistanın Baş Qərargah rəisi istefaya göndərilir
12 İyul 2016
Oxunub:2912
Vaxtında, Aydın, Lazımlı!
_VuUFM__HD-(1)-1746091328.jpg){kind=spacer}
