AzVision.az “Akşam” qəzetinə istinadən xəbər verir ki, bunu Türkiyə Prezidenti Rəcəb Tayyib Ərdoğan deyib. Onun sözlərinə görə, hazırda münaqişənin nizamlanmasında irəliləyiş var:

“Hazırda Rusiya prezidenti Vladimir Putin bu məsələ üzərində işləyir. Bu barədə azərbaycanlı həmkarım ilham Əliyevdə mənə danışdı. İlk növbədə Azərbaycanın 5 rayonu erməni işğalından azad edilərsə, regionda sözün əsl mənasında normallaşma prosesi başlaya bilər".

Azərbaycan-Türkiyə-Rusiya üçtərəfli formatının yaradılması barədə danışarkən Ərdoğan bildirib ki, Azərbaycan da bu məsələyə Türkiyə və Rusiya kimi müsbət yanaşır.

O, əlavə edib ki, Türkiyə-Azərbaycan-Rusiya üçtərəfli əməkdaşlıq formatı qurulacaq: `Bu məsələyə Azərbaycan kimi Rusiya da müsbət yanaşıb. Rusiya-Azərbaycan-İran üçtərəfli əməkdaşlıq formatı var. Türkiyə xarici işlər naziri Türkiyə-Rusiya-Azərbaycan əməkdaşlıq formatının qurulması ilə bağlı azərbaycanlı həmkarı ilə danışıb. Biz də Rusiya prezidenti Vladimir Putinlə bunu müzakirə etdik. Məqsədimiz bölgədə siyasi hadisələri yerində, yaxından izləməkdir`.

İlkin Nəcəfzadə
AzVision.az