XTQ komandanı necə zəhərlənib?: "Məktubu açan kimi..."

XTQ komandanı necə zəhərlənib?: "Məktubu açan kimi..."
  15 Fevral 2023    Oxunub:1207
Çeçenistanın "Axmat" Xüsusi Təyinatlı Qüvvələrinin (XTQ) komandanı Apti Alaudinov ilk dəfə sui-qəsdə məruz qalmasının, zəhərlənməsinin təfərrüatlarını danışıb.
Onun sözlərinə görə, fevralın 8-də bölməyə bağlama gəlib və oradan da sənədləri komandirə veriblər. Alaudinov "Rossiya 1" telekanalının efirində "aldığım məktubu açıb oxumağa başladım və kəskin qoxu hiss etdim" deyib. Bundan dərhal sonra şübhəli kağızlar plastik torbaya qoyulub.

Kadırovun XTQ komandanını məktubla zəhərləyiblər
Alaudinov zəhərlənmə əlamətlərini saat yarımdan sonra, qıcolmalar başlayanda hiss edib. Ona yerli tibb bölməsində ilkin yardım edilib və bundan sonra XTQ komandanı Moskvaya göndərilib.

Hazırda Alaudinov özünü yaxşı hiss edir və cümə axşamı xəstəxanadan çıxacağını gözləyir.

O, hələlik sui-qəsddə konkret hansı zəhərli maddədən istifadə olunduğunu bilmədiyini, bunun ekspertlər tərəfindən müəyyən edilməli olduğunu deyib.

Alaudinov onu da bildirib ki, zəhərli kağıza toxunan qardaşı oğlu və adyutant xəstəxanaya yerləşdirilib.

Tural Tağıyev
AzVision.az


Teqlər:   XTQ   Çeçenistan   Zəhərlənmə  



Xəbər lenti


Azvision.az ©2014 | Bütün hüquqları qorunur