AzVision.az-ın məlumatına görə, bunu bu gün Türkiyənin gömrük və ticarət naziri Bülənt Tüfənkçi Azərbaycanın iş adamları ilə Bakıda keçirdiyi görüşdə deyib. Azərbaycanla ikitərəfli ticarət dövriyyəsinə toxunan B.Tüfenkçi bildirib ki, 2016-ci ildə bu göstərici 1,5 mlrd. dollar təşkil edib və bu rəqəmlər əvvəlki illərə nisbətən aşağı düşüb: “İş adamları, şirkətlərin potensiallarına baxdıq bu rəqəm olduqca azdır. Türkiyə ilə Azərbaycan arasında siyasi, iqtisadi, gömrük və digər sahələrdə əlaqələr ən yüksək səviyyədədir.”.
Nazir bildirib ki, ötən il baş verən dövlət çevrilişi cəhdinə baxmayaraq Türkiyə iqtisadiyyatında 2.9 faiz artıq qeydə alınıb: “İlin əvvəlindən də Türkiyə iqtisadiyyatında artım qeydə alınır və bizim proqnozlarımıza görə bu göstərici ilin ikinci və üçüncü rübündə də artacaq. Azərbaycana turist səfərlərinin artırılması da gündəmdədir”.
B.Tüfenkçi həmçinin Müasir İpək Yolunun bir hissəsi olan Bakı-Tbilisi-Qars dəmir yolunun vacibliyindən, Azərbaycanın Türkiyə ilə gömrük keçid məntəqəsində aparılan modernləşdirmə işlərindən danışıb: “İpək Yolu bu coğrafiya üçün tarixi əhəmiyyətə malikdir. Bu gün birbaşa yatırımların səviyyəsinə görə də Türkiyə Azərbaycan iqtisadiyyatında ilk yerlərdə qərarlaşıb”.
Eldar Tanrıverdiyev
Foto:Elvin Abdulla
AzVision.az
“Azərbaycanla ticarət dövriyyəsi aşağı düşüb” - Bülənt Tüfənkçi
18 İyul 2017
Oxunub:1331
“Azərbaycan bizim bu bölgədə strateji tərəfdaşımızdır”.
Teqlər: Türkiyə Azərbaycan DGK
Vaxtında, Aydın, Lazımlı!
a-1727681504.jpg&h=200&w=200&zc=2&q=70)
