Ata, ana və qızının yanaraq öldüyü ev - VİDEO

20:59   22 Avqust 2017    Oxunub: 683
Ata, ana və qızının yanaraq öldüyü ev - VİDEO

Bu gün səhər saatlarında Lerikdə dəhşətli yanğın baş verib. Rayonun Vizəzəmin kəndində baş verən hadisə zamanı bir ailənin üç üzvü yanıb.

Kənd sakini Elman Hüseynova məxsus evdə naməlum səbəbdən baş verən yanğın qısa müddət ərzində bütün evi bürüyüb.

Yanğın zamanı ev sahibi Elman Hüseynov, onun həyat yoldaşı 50 yaşlı Şükufə Hüseynova və ev sahibinin qızı 22 yaşlı Süsən Mirzəzadə yanaraq ölüb. Ailə üzvlərindən biri Mehdi Hüseynov yanğından xilas ola bilib.

Yelmar Hüseynov (ev sahibinin oğlu): "Hadisə baş verəndə mən işdə idim. Zəng vurdular ki, belə bir hadisə olub, çıxdım gəldim. Mən gələndə ev tam yanmışdı. Bilmirəm, normal bir ailə idik, yanğının nədən baş verdiyindən xəbərim yoxdur. İki-üç gün qabaq evə gəlmişdim, hər şey normal idi, şoka düşdüm".

Hadisənin baş vermə səbəbləri tibbi ekspertizadan və hadisə yerində aparılan araşdırmalardan sonra məlum olacaq. (ARB TV)



AzVision.az

Teqlər: Lerik   Yanğın    




Rubrikanın digər yazıları