“Made in Azerbaijan” brendinə maraq böyükdür

“Made in Azerbaijan” brendinə maraq böyükdür
  13 Sentyabr 2017    Oxunub:2373
“Worldfood Moscow” Beynəlxalq Ərzaq Sərgisində ölkəmizin “Made in Azerbaijan” vahid ölkə stendinə sərgi ziyarətçiləri və tədbir iştirakçısı olan ölkələrin şirkətləri tərəfindən böyük maraq göstərilir.


İqtisadiyyat Nazirliyindən AzVision.az-a verilən məlumata görə, sərginin ilk 2 günü ərzində Rusiya Federasiyası və tədbir iştirakçısı olan digər ölkələrin 1000-dən şirkətinin nümayəndəsi Azərbaycan pavilyonunu ziyarət edib.

“Made in Azerbaijan” vahid ölkə stendini ziyarət edən xarici şirkət nümayəndələri yerli məhsullarımız, onların istehsal və hazırlanma texnologiyası, ixrac imkanları ilə maraqlanıb, əməkdaşlığa dair müzakirələr aparıblar.

Qeyd edək ki, Azərbaycanın eksklüziv partnyor olduğu “Worldfood Moscow” Sərgisində ölkəmizin 30-dan çox ixracatçı şirkətinin istehsalı olan meyvə şirələri, təbii mineral sular, şərab və spirtli içkilər, meyvə-tərəvəz, süd məhsulları, çay, fındıq, qənnadı məmulatları və konservləşdirilmiş qidalar nümayiş olunur.

AzVision.az




Teqlər: Moskva   Rusiya   Azərbaycan  





Xəbər lenti