Nazirliyə müraciət edənlərin sayı artıb

Nazirliyə müraciət edənlərin sayı artıb
  15 Sentyabr 2017    Oxunub:1557
Bu ilin avqust ayında Azərbaycanda vergi orqanlarına 8 828 müraciət daxil olub ki, bu da ötən ilin müvafiq dövrü ilə müqayisədə 35,9% çoxdur.
AzVision.az Vergilər Nazirliyinə istinadən xəbər verir ki, müraciətlərdən 86,1%-i ərizə, 13,7%-i şikayət, 0,2%-i təklif olub. Müraciətlərin 31,3%-i müxtəlif arayışların alınması, 42,4%-i kameral vergi yoxlamaları, 8%-i vergi borcları, 3,4 %-i vergidən yayınma, nağd hesablaşmaların aparılması qaydalarının pozulması, qanunsuz sahibkarlıq fəaliyyəti, qalanları isə digər məsələlərlə bağlı olub. Bütün müraciətlərə vaxtında baxılıb, onların 68,2%-i müsbət həll olunub.

Hesabat dövründə vergi orqanlarında ümumilikdə 405 vətəndaş qəbul edilərək, onlara qanunvericilik çərçivəsində lazımi köməklik göstərilib və yaxud müvafiq izahatlar verilib.

AzVision.az


Teqlər: Vergilər-Nazirliyi  





Xəbər lenti