“Neft Daşları”nda yeni quyu istismara verilib

  29 Sentyabr 2017    Oxunub : 1577
“Neft Daşları”nda yeni quyu istismara verilib
“Neft Daşları” yatağındakı 602A saylı stasionar dəniz özülündən 2663 nömrəli quyu qazmadan sonra istismara verilib.
SOCAR-ın mətbuat xidmətindən AzVision.az-a verilən məlumata görə, quyu məhsuldar qat çöküntülərinin fasilə lay dəstəsindən qazlift üsulu ilə məhsul verib, 1090-1086 metr intervaldan sutkalıq 10 ton neft və 1000 kubmetr qaz hasilatı ilə istismar fonduna qəbul edilib.

Quyu “Azneft” İstehsalat Birliyinin “Neft Daşları” Neft və Qazçıxarma İdarəsinin sifarişi ilə qazılıb.

AzVision.az

Teqlər: SOCAR