Elmin İnkişafı Fondunda nöqsanlar aşkar edilib

Elmin İnkişafı Fondunda nöqsanlar aşkar edilib
  02 Noyabr 2017    Oxunub:1932
Azərbaycan Respublikasının Prezidenti yanında Elmin İnkişafı Fondu (Fond) tərəfindən “Büdcə sistemi haqqında” qanunun və Nazirlər Kabinetinin 2004-cü il 24 may tarixli qərarı ilə təsdiq edilmiş “Dövlət büdcəsinin tərtibi və icrası Qaydaları”nın bir sıra tələbləri gözlənilməyərək əvvəlki illərin icrası, depozit və tapşırıqlar hesabında olan qalıq vəsaitlər nəzərə alınmadan büdcə vəsaitləri üzrə proqnoz layihələr hazırlanıb.
AzVision.az-ın məlumatına görə, bu, Hesablama Palatasının audit yoxlamasının nəticələrində əksini tapıb. Nəticədə ayrılmış vəsaitlər 50-60% səviyyəsində icra edilib, istifadə olunmayan vəsaitlər isə depozit və tapşırıqlar hesabına köçürülüb, nəticədə qalıq məbləğlər ildən-ilə artıb. Maliyyə ilinin sonunda Fondun hesabında qalan vəsait növbəti ilin xərclərinin maliyyələşdirilməsinə yönəldilməli olduğu halda, qrant müsabiqələrinin qalibi olmuş layihə rəhbərləri tərəfindən təqdim edilmiş hesabatlara əsasən layihə rəhbərlərinə layihə xərcləri üzrə ödənilmiş vəsaitin müxtəlif səbəblərdən xərc edilməmiş 2015-ci ildə 127,6 min manatı və 2016-cı ildə 49,2 min manatı layihə rəhbərləri tərəfindən büdcəyə qaytarılaraq Fondun xərcləri həmin məbləğ qədər artıq göstərilib.

Qrant layihələri çərçivəsində qrant vəsaiti hesabına alınmış elmi avadanlıq, cihaz və qurğuların Fondun mülkiyyəti hesab olunmasına və layihənin icrası müddətində layihə rəhbərinin və icraçılarının istifadəsinə verilməsinə baxmayaraq, həmin əsas vəsaitlər Fondda uçota alınmadan birbaşa xərcə silinib, layihələrin icra müddəti başa çatdıqdan sonra layihə rəhbərlərindən Fonda təhvil alınması və balansa götürülməsi təmin edilməyib.

Maliyyə hesabatları “Büdcə təşkilatları üçün Milli Mühasibat Uçotu Standartlarına uyğun olaraq Mühasibat uçotunun təşkili və aparılmasına dair Təlimat”ın tələblərinə uyğun tərtib edilsə də, təsərrüfat əməliyyatları üzrə mühasibat müxabirləşmələri qüvvədən düşmüş təlimatın hesablar planı ilə aparılıb, 2016-cı ildə Fondun büdcədənkənar gəlirləri olmadığı halda düzgün olmayaraq “Maliyyə fəaliyyətinin nəticələri haqqında” hesabatda gəlir göstərilib. Həmçinin xalis aktivlərin cəmi hesabat ilinin əvvəlinə və sonuna qalıqları “Xalis aktivlər/ kapitalda dəyişikliklər haqqında” hesabatda düzgün göstərilməyib.

AzVision.az


Teqlər: Hesablama-Palatası  





Xəbər lenti