“Bakı Şopinq Festivalı region üçün əhəmiyyətlidir” - Kaxa Kaladze

  06 Noyabr 2017    Oxunub : 340
“Bakı Şopinq Festivalı region üçün əhəmiyyətlidir” - Kaxa Kaladze

"Bakıda keçirilən Şopinq Festivalı ürəkdən alqışlayıram. Belə festival həm Bakı, həm də region üçün əhəmiyyətli olacaq".

AzVision.az-ın məlumatına görə, bunu Tiflis şəhərinin meri Kaxa Kaladze Şopinq festivalla bağlı özəl olaraq Gürcüstan azərbaycanlılarının xəbər agentliyinə (www.gaxa.ge) açıqlamasında deyib.

K.Kaladze bildirib ki, bu festival Azərbaycan və turizmin inkişafı baxımından bütövlükdə region üçün yeni imkanlar açır: “Şopinq festivalların əsas əhəmiyyəti ondadır ki, onu təşkil edən ölkə mədəniyyət və incəsənəti haqqında, iqtisadiyyat sahəsində gedən dəyişikliklər, bizneslə bağlı görülən işlər və inkişaf haqqında festival iştirakçılarına ətraflı məlumat vermək imkanı qazanır. Həmçinin, Şopinq Festivalda yeni ideyalar yaranır ki, gələcəkdə bu ideyaları tətbiq etməklə iqtisadiyyatı daha da inkişaf etdirmək mümkündür. Sözsüz ki, bu festivalın uğuru haqqında xoş xəbərlər eşidəcəyik və biz gələcəkdə Tiflisdə də belə bir möhtəşəm festival keçirməyə çalışacağıq”.

AzVision.az

Teqlər: Kaladze   Mer