Nazirliyə 38 min insan müraciət edib

  08 Noyabr 2017    Oxunub : 553
Nazirliyə 38 min insan müraciət edib

2017-ci ilin oktyabr ayı ərzində Vergilər Nazirliyinin Çağrı Mərkəzinin əməkdaşları tərəfindən canlı əlaqə zamanı daxil olmuş 25 min 219 zəng cavablandırılıb. Vergiödəyicilərinin məlumatlandırılması məqsədilə onlara 141 min 883 SMS göndərilib.

Nazirliyin Media Kommunikasiya Mərkəzindən AzVision.az-a bildirilib ki, həmin ay ərzində Vergilər Nazirliyinin rəsmi internet səhifəsinə 436 min 505 daxilolma qeydə alınıb.

Vergiödəyicilərinə xidmət strukturlarında 38 min 558 vətəndaş qəbul edilərək onlara 55 min 354 sayda xidmət göstərilib. Cari ilin noyabrın 1-nə vergiödəyicilərinə ümumilikdə 384 min 246 “Asan İmza” sertifikatı verilib.

Həmçinin 8112 vergi ödəyicisi (1127 hüquqi şəxs, 6985 fiziki şəxs) qeydiyyatdan keçib.

AzVision.az

Teqlər: Vergilər-Nazirliyi