Yaşayış minimumu 173 manat proqnozlaşdırılıb

  23 Noyabr 2017    Oxunub : 1025
Yaşayış minimumu 173 manat proqnozlaşdırılıb

2018-ci ildə Azərbaycanda yaşayış minimumu 173 manat proqnozlaşdırlıb ki, bu da 2017-ci ilin göstəricisi ilə müqayiasədə 11 faiz çoxdur.

AzVision.az xəbər verir ki, bunu Milli Məclisin İqtisadi siyasət, sənaye və sahibkarlıq komitəsinin sədri Ziyad Səmədzadə parlamentin bu gün keçirilən iclasında deyib.

Komitə sədri bildirib ki, yaşayış minimumu əmək qabiliyyətli əhali üçün 183 manat, pensiyaçılar üçün 144 manat, uşaqlar üçün 154 manat məbləğində proqnozlaşdırılır.

Qeyd edək ki, 2017-ci ildə yaşayış minimumu 155 manat, o cümlədən əmək qabiliyyətli əhali üçün 164,5 manat, pensiyaçılar üçün 130,2 manat və uşaqlar üçün 136,6 manat nəzərdə tutulub.

Anar Kəlbiyev
AzVision.az


Teqlər: Milli-Məclis