“Kaspersky Lab” SOCAR-la danışıqlar aparır

  29 Noyabr 2017    Oxunub : 917
“Kaspersky Lab” SOCAR-la danışıqlar aparır

“Kaspersky Lab” şirkəti neft-qaz sənaye müəssisələrində kibertəhlükəsizlik sistemlərinin tətbiqi ilə bağlı layihə üzrə SOCAR-la danışıqlar aparır.

AzVision.az xəbər verir ki, bunu şirkətin Azərbaycandakı nümayəndəsi Müşfiq Məmmədov bildirib.

Məmmədovun sözlərinə görə, danışıqlar SOCAR müəssisələrində modernləşdirilməsi fonunda baş verir və “Kaspersky Lab” isə Dövlət Neft Şirkətinin müəssisələrinin sənaye təhlükəsizliyinin sistemləri ilə təmin olunması baxımından bu proses qoşulmaq üzərində işləyir.

“Danışıqların əsas mövzusu istehsalat prosesində sənaye kibertəhlükəsizliyinin təmin olunmasıdır. Yeri gəlmişkən danışıqlar müsbət istiqamətdə davam edir və biz hesab edirik ki, yaxın gələcəkdə müsbət nəticələr əldə olunacaq”, - deyə şirkət rəsmisi bildirib.

Məmmədov qeyd edib ki, sənaye təhlükəsizliyi sistemləri, həmçinin elektrik və su təminatı sistemlərində də tətbiq oluna bilər.

Eldar Tanrıverdiyev
AzVision.az

Teqlər: SOCAR   Kaspersky-Lab