Bakıda benzin istehsalı 4,7 faiz artıb

  04 Dekabr 2017    Oxunub : 306
Bakıda benzin istehsalı 4,7 faiz artıb

Cari ilin yanvar-oktyabr aylarında Bakının neft məhsullarının istehsalı sahəsində istehsalın ümumi dəyəri 2195,5 milyon manat olmaqla əvvəlki ilin eyni dövrü ilə müqayisədə 10,4 faiz azalıb.

Bakı Şəhər Statistika İdarəsindən AzVision.az-a bildirilib ki, neft məhsullarından avtomobil benzininin istehsalı 4,7 faiz, neft koksunun istehsalı 6,8 faiz, neft bitumunun istehsalı 16,3 faiz, sürtkü yağlarının istehsalı isə 2,8 dəfə artıb. Hesabat dövründə dizel yanacağının istehsalı 21,2 faiz, yanacaq mazutunun istehsalı 41,9 faiz, ağ neftin istehsalı isə 7,8 faiz azalıb.

Bu ilin yanvar-oktyabr aylarında Bakının mədənçıxarma sənayesində istehsalın ümumi dəyəri 21,9 milyard manat olmaqla əvvəlki ilin eyni dövrünə nisbətən 4,3 faiz azalıb. Sahənin əsas məhsulu olan xam neftin hasilatı 31,8 milyon ton, əmtəəlik təbii qazın hasilatı isə 15 milyard kubmetr təşkil edib. Paytaxt üzrə neft hasilatı 7,3 faiz, əmtəəlik qaz hasilatı isə 2,7 faiz azalıb.

AzVision.az

Teqlər: Bakı   Benzin