Sənaye Korporasiyasının kapitalı 500 milyon manatdır

Sənaye Korporasiyasının kapitalı 500 milyon manatdır
  05 Dekabr 2017    Oxunub:1718
“Azərbaycan Sənaye Korporasiyası” Açıq Səhmdar Cəmiyyətinin nizamnamə kapitalı 500 000 000 (beş yüz milyon) manatdır, onun səhmlərinin nominal dəyərindən təşkil olunur və nominal dəyəri 1 manat olan 500 000 000 (beş yüz milyon) ədəd sənədsiz, adi, adlı səhmdən ibarətdir.
AzVision.az xəbər verir ki, bu barədə Prezident İlham Əliyevin “Azərbaycan Sənaye Korporasiyası” ASC-nin ötən gün təsdiqlədiyi nizamnaməsində qeyd olunub.

Nizamnamədə vurğulanıb ki, cəmiyyətin nizamnamə kapitalı və fəaliyyəti üçün digər aktivlər, əsasən, “Aqrarkredit” Qapalı Səhmdar Cəmiyyəti Bank Olmayan Kredit Təşkilatının “Azərbaycan Beynəlxalq Bankı” Açıq Səhmdar Cəmiyyətindən aldığı, problemli aktivlərin (borcların) əvəzində əldə etdiyi, Azərbaycan Respublikasının ərazisində yerləşən və onun mülkiyyətində (balansında) olan əmlak, o cümlədən bu Fərmanın əlavəsində göstərilən hüquqi şəxslərə məxsus olmuş dövlət əmlakı hesabına formalaşır.

Cəmiyyətin əmlakı nizamnamə kapitalına daxil olan əmlak, dövlət büdcəsindən ayırmalar, öz fəaliyyətindən əldə edilən daxilolmalar, Cəmiyyətin emissiya etdiyi istiqrazların yerləşdirilməsindən əldə edilən vəsaitlər, alınmış xarici kreditlər, yardımlar, qrantlar, habelə qanunla qadağan olunmayan digər mənbələr hesabına formalaşır.

Cəmiyyətin nizamnamə kapitalının artırılması və ya azaldılması Azərbaycan Respublikasının Mülki Məcəlləsində nəzərdə tutulmuş qaydada həyata keçirilir.

Anar Kəlbiyev
AzVision.az



Teqlər:





Xəbər lenti


Azvision.az ©2014 | Bütün hüquqları qorunur