“Valyuta ehtiyatlarımızı artırmağa nail olmuşuq” - Samir Şərifov

  28 Dekabr 2017    Oxunub : 387
“Valyuta ehtiyatlarımızı artırmağa nail olmuşuq” - Samir Şərifov

"Bir tərəfdən yerli istehsal inkişaf edir, bunun üçün stimul yaranır, digər tərəfdən isə idxalın azalması prosesi baş verib. Bunlar şübhəsiz ki, bizim valyuta mövqeyimizə, valyuta ehtiyatlarımızın azalmamasına, əksinə isə bir qədər artmasına müsbət təsir göstərib".

AzVision.az xəbər verir ki, bunu maliyyə naziri Samir Şərifov AzTV-yə müsahibəsində deyib.

Nazir bildirib ki, bu ilin ötən müddəti ərzində ölkənin ticarət saldosu müsbətə doğru dəyişib: "Şübhəsiz ki, burada neftin qiymətinin artmasının da rolu var. Eyni zamanda, ölkədə aparılan idxalın əvəzlənməsi siyasəti öz müsbət nəticələrini verməkdədir. İndi ticarət saldomuz təqridən 5 milyard dollara yaxın müsbət nəticə verib. Bu da onu göstərir ki, ölkəyə daha çox xarici valyuta daxil olur ki, bu da öz növbəsində bizim tədiyyə balansımıza müsbət təsir göstərir. Beləliklə, biz valyuta ehtiyatlarımızı, maliyyə qüvvəmizi bir qədər də artırmağa nail olmuşuq".

S.Şərifov qeyd edib ki, 2018-ci ildə də bu işlərin davam etdirilməsi istiqamətində işlər görüləcək.

AzVision.az

Teqlər: Nazir   Samir-Şərifov