Mərkəzi Bankı qarşıda 3 çətin ay gözləyir

  06 Yanvar 2018    Oxunub : 628
Mərkəzi Bankı qarşıda 3 çətin ay gözləyir
"Ötən ilin dekabr ayında hərraclarda yarım milyard dollardan artıq valyuta satılıb".
AzVision.az xəbər verir ki, bunu iqtisadçı-ekspert Vüqar Bayramov deyib. Ekspert bildirib ki, ötən ay dollara tələbin artması müşahidə edilib:

"İlin son ayında əvvəlki ay ilə müqayisədə 2.8 dəfə, yəni 584,8 milyon dollar satılıb. Deməli, ötən ay məzənnənin qorunması birbaşa Mərkəzi Bankın mövqeyindən asılı olub. Sadəcə bir ay ərzində yarım milyard dollardan artıq xarici valyutanın satılması dollara olan tələbin xüsusi aylarda yüksək qaldığından xəbər verir. Bu isə o deməkdir ki, bu il də manatın məzənnəsi Dövlət Neft Fondunun satdığı dolların məbləğindən və deməli, neft gəlirlərimizin həcmindən asılıdır".

V.Bayramov qeyd edib ki, 2018-ci ildə Mərkəzi Bank üçün mart, avqust və ilin son ayı çətin olacaq.

AzVision.az

Teqlər: Vüqar-Bayramov   Manat   Dollar