Tacikistan Xəzərdən yük daşımaq istəyir

  08 Yanvar 2018    Oxunub : 440
Tacikistan Xəzərdən yük daşımaq istəyir
“Azərbaycan Xəzər Dəniz Gəmiçiliyi” QSC-də Tacikistan Respublikasının ölkəmizdəki fövqəladə və səlahiyyətli səfiri Rustam Soli ilə görüş keçirilib.
QSC-dən AzVision.az-a verilən xəbərə görə, gəmiçiliyin sədri Rauf Vəliyev qonağa Azərbaycanda dəniz nəqliyyatı sahəsində görülən işlər, donanmanın yenilənməsi istiqamətində əldə olunan nailiyyətlər, respublikamızın nəqliyyat dəhlizlərinin inkişafına verdiyi töhfə barədə ətraflı məlumat verib.



Səfir Rustam Soli Gəmiçiliyin tranzit imkanları ilə yaxından tanış olub. Bildirib ki, Tacikistan Xəzər dənizi üzərindən də beynəlxalq bazarlara yük daşımaqda maraqlıdır. Görüşdə ikitərəfli əməkdaşlığın perspektivləri ətrafında geniş fikir mübadiləsi aparılıb.

AzVision.az

Teqlər: Azərbaycan-Xəzər-Dəniz-Gəmiçiliyi