Keçmiş məhkum silah və narkotiklə tutuldu

  19 Yanvar 2018    Oxunub : 658
Keçmiş məhkum silah və narkotiklə tutuldu
Gəncə Şəhər Baş Polis İdarəsi əməkdaşlarının əldə edilən məlumat əsasında həyata keçirdikləri əməliyyat-axtarış tədbirləri nəticəsində şəhər sakini, əvvəllər məhkum olunmuş Sərxan Mustafayevin yaşadığı evə baxış keçirilib.
Daxili İşlər Nazirliyindən AzVision.az=a verilən məlumata görə, baxış zamanı oradan 1 ədəd pnevmatik tapança, 1 ədəd lüləsi kəsilmiş “İJ-27” markalı tüfəng, 1 ədəd “Tir” tüfəngi və 5 ədəd patron, həmçinin külli miqdarda - çəkisi 945 qram olan tiryək də aşkar edilərək götürülüb.

Saxlanılan şəxs maddi sübutlarla birgə istintaqa təhvil verilib. İstintaq və əməliyyat-axtarış tədbirləri aparılır.

AzVision.az

Teqlər: DİN   Polis   Cinayət