Bakı metrosunda qatar tuneldə qalıb

  19 Yanvar 2018    Oxunub : 1885
Bakı metrosunda qatar tuneldə qalıb
Bu gün saat 18:45-də "Həzi Aslanov" - "Dərnəgül" istiqamətində hərəkət edən qatarın qapılarında nasazlıq yaranıb.
"Bakı Metropoliteni" QSC-nin mətbuat xidmətinin rəhbəri Nəsimi Paşayev AzVision.az-a bildirib ki, yaranan nasazlığa görə, qatar "28 May" stansiyasında boşaldılıb.

"Sərnişinləri boşaldaraq qatarı "Nizami" stansiyasından depoya göndərdik. Təəssüf ki, qatar "28 May" - "Gənclik" stansiyalarının arasında tuneldə qalıb. Hazırda başqa qatarın köməkliyi ilə onu xətdən çıxartmağa çalışırıq. Yaranmış narahatlığa görə üzr istəyirik" - deyə qurum rəsmisi qeyd edib.

AzVision.az

Teqlər: Metro   Qatar   Tunel