Cibgirlik edən keçmiş məhkum tutuldu

  22 Yanvar 2018    Oxunub : 356
Cibgirlik edən keçmiş məhkum tutuldu

Metroda cibgirlik edən şəxs saxlanılıb.

DİN-in mətbuat xidmətindən AzVision.az-a verilən məlumata görə, Bakı şəhər sakini F.Babayeva yanvarın 17-də Bakı Şəhər Baş Polis İdarəsinin Metropolitendə Polis Şöbəsinə müraciət edərək metronun “Gənclik” stansiyasında cibindən mobil telefonunun oğurlandığını bildirib. Polis əməkdaşları tərəfindən əməliyyat-axtarış tədbirlərinə başlanılıb və qısa zamanda cinayət əməlini törədən şəxs müəyyən edilərək saxlanılıb.

Araşdırmalarla onun paytaxt sakini, əvvəllər məhkum olunmuş Emil Kudaybirqanov olduğu müəyyənləşib. Eyni zamanda onun yanvarın 19-da metronun “28 May” stansiyasında daha bir qadının cibindən mobil telefonunu oğurladığı da müəyyən edilib. Faktla bağlı cinayət işi başlanılıb.

AzVision.az

Teqlər: DİN