Nikah müqaviləsi məcburi ola bilər

  25 Yanvar 2018    Oxunub : 761
Nikah müqaviləsi məcburi ola bilər

Milli Məclisin Ailə, qadın və uşaq məsələləri komitəsinin üzvü Sədaqət Vəliyeva Ailə Məcəlləsinə dəyişiklik edilməsini və nikah müqaviləsinin məcburiləşdirilməsini təklif edib.

AzVision.az-ın məlumatına görə, komitənin bu gün keçirilən iclasında deputat deyib ki, nikah müqaviləsi məcburi olarsa, boşanmaların sayı azalar:

“Azərbaycanda boşanmaların sayı çoxalıb. Bunun səbəbi məsuliyyətin olmamasıdır. Nikah müqaviləsi məcburiləşdirilməlidir. Burada könüllülük olmamalıdır. Müqavilə olmadıqda boşanmaların sayı getdikcə artır. Belə olan halda uşaqları anaları saxlayır. Bəzən də uşağı tərəflərin heç biri saxlamır”- xanım deputat vurğulayıb.

Anar Kəlbiyev
AzVision.az

Teqlər: Milli-Məclis   Komitə   Deputat   Təklif