Bakıda ən çox bu xəstəliklər yayılıb - Baş terapevt açıqladı

Bakıda ən çox bu xəstəliklər yayılıb - Baş terapevt açıqladı
  25 Yanvar 2018    Oxunub:4277
Mövsümlə bağlı Kliniki Tibbi Mərkəzə (Semaşko) daha çox tənəffüs sistemi, ürək-damar sistemi, mədə-bağırsaq sistemi, sidik ifrazı və sümük-oynaq xəstəlikləri ilə bağlı müraciətlər daxil olub.

AzVision.az xəbər verir ki, bunu Bakı Şəhər Baş Səhiyyə İdarəsinin baş terapevti Rəhilə Əliyeva deyib.
Onun sözlərinə görə, 2017-ci ilin sentyabr-dekabr aylarında mərkəzin 2 terapevtik korpusuna 378 xəstə müraciət edib.

"Ən çox müraciət ürək-damar sistemi xəstəlikləri, miokard infarktı, ürəyin işemik xəstəliyi ilə bağlıdır. Ümumilikdə ötən ilin son 4 ayında Mərkəzə 113 nəfər ürək-damar sistemi xəstəlikləri ilə bağlı müraciət edib. 2-ci yerdə bronxial astma xəstəliyi gəlir. Ötən dövrdə 30 nəfər bu xəstəliyə yoluxub. Pnevamaniya ilə bağlı 17 nəfər qeydə alınıb ki, onlar da tam müalicə olunaraq evə yazılıblar" .

R. Əliyeva qeyd edib ki, əhali arasında kəskin respirator virusları yayılıb: "Xəstəliyin ilkin əlamətləri zökəm, baş ağrısı, ümumi zəiflik, temperaturdur. Digər xroniki xəstəliklər də bunun fonunda aktivləşir. İlkin əlamətlər müşahidə edildikdə həkimə müraciət etmək lazımdır".

Aytən Zəhra
AzVision.az


Teqlər: Rəhilə-Əliyev   Həkim   Xəstəxana  





Xəbər lenti


Azvision.az ©2014 | Bütün hüquqları qorunur