Bu il 300-ə yaxın peşə standartı hazırlanacaq

  29 Mart 2019    Oxunub : 627
Bu il 300-ə yaxın peşə standartı hazırlanacaq
"Ölkə başçısı tərəfindən 3 məşğulluq proqramı qəbul olunub. Bunlardan artıq ikisi icra edilib. Üçüncü məşğulluq proqramının icrası ilə bağlı tədbirlər planı hazırlamışıq. Bu yaxınlarda tədbirlər planının təsdiq olunması gözlənilir"
Azvision.az xəbər verir ki, bunu “İqtisadi islahatlar: Sahibkarlığın inkişafı və diversifikasiya” adlı beynəlxalq konfransda çıxış edən əmək və əhalinin sosial müdafiəsi nazirinin müavini Anar Əliyev deyib.

O bildirib ki, nazirlik əmək bazarında keyfiyyətin, bilik və bacarıqların artırılması istiqamətində işlər həyata keçirir: "2016-ci ildən peşə standartlarının hazırlanması istiqamətində işləyirik. Ötən müddət ərzində 300-ə yaxın peşə standartını hazırlayıb, işə götürənlərin istifadəsinə vermişik. Bu il də 300-ə yaxın peşə standartının hazırlanması təmin olunacaq. Bu gün ölkədə passiv məşğulluq tədbirlərindən aktiv məşğulluq tədbirlərinə keçidlə bağlı ciddi işlər həyata keçirilir".

Aytən Zəhra
Azvision.az

Teqlər: ƏƏSMN