BMT-nin baş katibi Vyana görüşünə münasibət bildirdi

  30 Mart 2019    Oxunub : 1549
 BMT-nin baş katibi Vyana görüşünə münasibət bildirdi
BMT-nin baş katibi Antonio Quterreş ATƏT-in Minsk Qrupu çərçivəsində Azərbaycan Respublikasının prezidenti İlham Əliyev və Ermənistan Respublikasının baş naziri Nikol Paşinyan arasında martın 29-u Vyanada baş tutan ilk görüşü alqışlayıb.
Azvision.az -ın məlumatına görə, bu barədə BMT baş katibinin sözçüsünün Dağlıq Qarabağ münaqişəsi ilə bağlı bəyanatında bildirilib. Baş katib ölkə rəhbərlərinin sülhə şərait yaradan mühitin əldə olunması və uğurlu danışıqların aparlması üçün əlavə tədbirlərin görülməsinə önəm vermələrini müsbət qarşılayıb.

O, həmçinin atəşkəsin gücləndirilməsi, humanitar problemlərin aradan qaldırılması,eləcə də münaqişənin sülh yolu ilə həlli üçün dialoqun davam etdirilməsinə dair ölkə rəhbərlərinin öz öhdəliklərinə sadiq qalmasını alqışlayıb.

Baş katib ATƏT-in Minsk Qrupu həmsədrlərini vacib vasitəçilik rolunu yüksək qiymətləndirir və onların davamlı səylərinə BMT-nin tam dəstəyini yenidən bəyan edir.

Azvision.az

Teqlər: BMT   Qarabağ   İlham-Əliyev