Məşğulluq altsistemi sınaq rejimində fəaliyyətə başlayacaq
Nazirin verdiyi məlumata görə, ilk dövrdə vətəndaşların müraciəti paralel olaraq qəbul ediləcək. Yəni, vətəndaşlar həm Məşğulluq altsistemi üzərindən, həm də yerli məşğulluq mərkəzlərinə birbaşa müraciət edə biləcəklər.
Sınaq müddəti iki ay davam edəcək və bu ilin iyunundan etibarən sistemin tam olaraq istifadəyə verilməsi planlaşdırılır.
Məşğulluq altsistemi dövlət məşğulluq xidmətlərinin keyfiyyətinin və çevikliyinin artırılması, işsiz və işaxtaranlara daha əlçatan olması üçün yaradılıb. Altsistem vakansiyalar, habelə işsiz və işaxtaranlara dair real mənzərəni əks etdirən və daim yenilənən məlumat bazasına malik olmaqla, məşğulluq xidmətləri barədə məlumatlara real vaxt rejimində çıxış və onlardan istifadə imkanı yaradır.
Azvision.az
Teqlər: