Riskli vergiödəyicilərinə xəbərdarlıq ediləcək

Riskli vergiödəyicilərinə xəbərdarlıq ediləcək
  30 Dekabr 2019    Oxunub:2064
Gələn ildən riskli vergiödəyicilərinin apardıqları əməliyyatlar üzrə onlar tərəfindən təqdim olunan elektron qaimə-fakturalar üzrə əvəzləşmələr qəbul edilməyəcək.
Vergilər Nazirliyinin Media və Kommunikasiya İdarəsindən Azvision.az -a bildirilib ki, həmin e-qaimələr həm də mənfəət və gəlir bəyannaməsində xərc sənədi kimi tanınmayacaq. Riskli vergiödəyicisinin artıq ödəməsi yarandıqda həmin məbləğ onlara müvafiq nəzarət tədbirləri başa çatdıqdan sonra geri qaytarılacaq. Riskli vergiödəyicisinin borcları yaranarsa, əmlakının dərhal siyahıya alınması həyata keçirilə bilər.

Həmçinin vergiödəyicisi şəxsi elektron kabinetində əməliyyat aparmaq istəyərkən ekranda ona əməliyyat apardığı şəxsin riskli vergiödəyicisi olması barədə xəbərdarlıq ediləcək. Əgər vergiödəyicisi buna məhəl qoymayıb əməliyyatı başa çatdırsa, ona yenə xəbərdarlıq olunacaq.

Azvision.az



Teqlər: Vergi  





Xəbər lenti