KOBİA əl dezinfeksiyaedici vasitə istehsalına dəstək verdi

KOBİA əl dezinfeksiyaedici vasitə istehsalına dəstək verdi
  29 Mart 2020    Oxunub:2123
Azərbaycan Respublikasının Kiçik və Orta Biznesin İnkişafı Agentliyi (KOBİA) tərəfindən əl dezinfeksiyaedici vasitə istehsalına dəstək göstərilib.
Azvision.az quruma istinadən xəbər verir ki, yerli “Laric Chemical” şirkəti tərəfindən istehsal olunan əl dezinfeksiya edici vasitə hazırda istehlakçılara, idarə və müəssisələrə 1 və 5 litrlik qablarda təqdim olunur. Hazırda müəssisə tərəfindən bu məhsulun 400 və 500 ml qablarda qablaşdırılması, eləcə də dezinfeksiyaedici gelin istehsalı istiqamətində iş aparılır.

“Laric Chemical” şirkəti 2017-ci ildən yuyucu və təmizləyici məhsulların istehsalı ilə məşğul olur.

KOBİA koronavirus pandemiyası ilə bağlı əhalinin tibbi spirtə, əl dezinfeksiya edici vasitələrə olan təlabatının daha dolğun ödənilməsi üçün sahibkarlıq subyektlərinin bu istiqamətdə təşəbbüslərini dəstəkləyir və səlahiyyətləri çərçivəsində belə məhsullar istehsal etmək istəyən sahibkarlara dəstək göstərir.

Azvision.az



Teqlər: KOBİA  





Xəbər lenti