Naxçıvanda heç kimin qaz və işıq pulu borcu yoxdur

  09 May 2020    Oxunub : 3059
 Naxçıvanda heç kimin qaz və işıq pulu borcu yoxdur
Naxçıvan Muxtar Respublikası üzrə 2020-ci ilin aprel ayında verilən təbii qazın miqdarı, təbii qaz satışından toplanan vəsait və ödənilmə faizi barədə rəsmi məlumat açıqlanıb.
Azvision.az xəbər verir ki, Naxçıvan Muxtar Respublikasında şəhər və rayonlarda təbii qazın ödənişi 100% yerinə yetirilib.

Statistikadan görünür ki, Naxçıvan MR-da abonentlərin qaz pulu borcu qeydə alınmayıb.



Həmçinin, Dövlət Energetika Xidməti üzrə 2020-ci ilin aprel ayında verilən elektrik enerjisinin miqdarı, elektrik enerjisi satışından toplanan vəsait və ödənilmə faizi məlum olub. Belə ki, muxtar respublikanın şəhər və rayonlarında elektrik enerji ödənişi 100% nəticə ilə yerinə yetirilib. Abonentlərin borcu qeydə alınmayıb.

Bildirilib ki, aprel ayında texniki itki nəzərə alınmaqla daxil olan 27 milyon 845 min kilovat-saat elektrik enerjisinin dəyəri 2 milyon 331 min manat olub. Cəmi 2 milyon 330 min 200 manat vəsait toplanıb ki, bu da istifadə olunan enerjinin dəyərinin 100,0 faizini təşkil edir.



Anar Kəlbiyev
Azvision.az

Teqlər: Naxçıvan   Energetika   Təbii-qaz