3 saylı DOST Mərkəzində 1790 vətəndaşa xidmət göstərilib

  04 İyun 2020    Oxunub : 2014
3 saylı DOST Mərkəzində 1790 vətəndaşa xidmət göstərilib
İyun ayının 1-dən etibarən bütün xidmətlər üzrə fəaliyyətə başlayan 3 saylı Bakı DOST Mərkəzində 1790 vətəndaş müraciəti qeydə alınıb.
Mərkəzdən Azvision.az -a verilən məlumata görə, vətəndaşlara “bir pəncərə” prinsipi ilə 132 növdə xidmət göstərilib. Müraciətlərin əksəriyyəti - yəni 76,09%-i sosial müdafiə ilə bağlı olub. Məşğulluq ilə bağlı müraciətlər 17,26%, əlilliklə bağlı müraciətlər isə 4,86% təşkil edib. Q-Net elektron sorğu sistemi və DOST könüllülərinin fərdi sorğularına əsasən, xidmətlərdən yararlanan vətəndaşların məmnunluq səviyyəsi 95,84 faiz olaraq qeydə alınıb.

Xatırladaq ki, mayın 19-da Prezident İlham Əliyevin iştirakı ilə 3 saylı Bakı DOST Mərkəzinin açılışı baş tutub. Nizami, Suraxanı və Sabunçu rayonlarının sakinlərinə xidmət göstərən Mərkəzdə vətəndaşlara “bir pəncərə” prinsipi ilə 132 növdə xidmət göstərilir.

Mərkəzdə il ərzində 150 mindən artıq vətəndaş müraciəti gözlənilir.

Azvision.az

Teqlər: DOST