Özünüməşğulluq proqramına cəlb edilənlərin sayı 3500-ə çatıb

Özünüməşğulluq proqramına cəlb edilənlərin sayı 3500-ə çatıb
  25 İyun 2020    Oxunub:3184
Əmək və Əhalinin Sosial Müdafiəsi Nazirliyi yanında Dövlət Məşğulluq Xidməti tərəfindən özünüməşğulluq proqramına cəlb edilənlərin sayı 3500-ə çatıb.
Nazirlikdən Azvision.az -a verilən məlumata görə, onlardan bir hissəsi artıq təlimlərdə iştirak edib və Xidmət tərəfindən özünüməşğulluq proqramına cəlb edilən digərləri üçün təlimlərin keçirilməsi davam etdirilir.

Hazırda xüsusi karantin rejimi tətbiq edilməyən rayonlarda ümumilikdə 800-dək iştirakçı təlimlərdə iştirak edir. Təlimlər “Vətəndaş qəbulu həyata keçirən qurumlarda koronavirus (COVİD-19) infeksiyasının profilaktikasına dair” metodiki göstərişlərə uyğun şəkildə, 10 nəfərdən ibarət qruplar halında təşkil edilir.

Təlimlər zamanı biznes-plan qurmaq, kiçik biznesin təşkili və inkişaf etdirilməsi üzrə bilik və bacarıqlar öyrədilir.


Azvision.az



Teqlər: ƏƏSMN  





Xəbər lenti