AZAL daha 233 nəfəri Moskvadan Bakıya gətirdi

  12 İyul 2020    Oxunub : 4546
 AZAL daha 233 nəfəri Moskvadan Bakıya gətirdi
Azərbaycanın milli aviadaşıyıcısı (AZAL) iyulun 12-də Moskvadan 233 sərnişinlə növbəti çarter reysi yerinə yetirib.

AZAL-ın mətbuat xidmətindən Azvision.az -a verilən məlumata görə, "Airbus A340" hava gəmisi ilə Azərbaycan vətəndaşları Vətənə çatdırılıb.
Bundan əlavə, Heydər Əliyev Fondunun dəvəti ilə həmin reyslə Bakıya 22 Rusiyalı həkim gətirilib. Bu həkimlər koronavirus pandemiyası ilə mubarizədə kömək göstəcəklər.

Yalnız reysdən əvvəl 48 saat ərzində koronavirus COVID-19-a dair testin mənfi nəticəsi barədə arayışı təqdim edən sərnişinlər uçuşa buraxılıb. Qeyd edilən reyslə gələn bütün sərnişinlər iki həftə müddətində özünütəcrid şəraitində qalmalıdır. ⠀

AZAL-ın çarter reysləri Azərbaycan Respublikasının Nazirlər Kabineti yanında Operativ Qərargahın müəyyən etdiyi plana uyğun qaydada yerinə yetirilir.

Azvision.az

Teqlər: AZAL   Rusiya