Bakıda 150 eskalator təmir edilib

  08 Sentyabr 2020    Oxunub : 2384
Bakıda 150 eskalator təmir edilib
Hazırda iki eskalator (Su İdman Sarayı və Dövlət Bayrağı Meydanının qarşısındakı yeraltı piyada keçidlərində) dartı zəncirləri sıradan çıxdığı üçün təmirə dayandırılıb.
Azərbaycan Avtomobil Yolları Dövlət Agentliyindən Azvision.az -a verilən məlumata görə, Agentliyinin xidmət və balansında Bakı şəhəri üzrə 65 yerüstü və 15 yeraltı piyada keçidlərində 179 müxtəlif markalı eskalatorlar var.

2020-ci ilin yanvar-avqust aylarında 150 eskalatorun sıradan çıxmış əsas detalları (dartı zənciri, pillə, şkif, şkifaltı, kəmər, sürahi qayışı, şkifaltı rolik, sürahi istiqamətləndiricisi, buynuz kəməri, daraq pillə önlüyü və s.) yenisi ilə əvəz olunub.

29 eskalatorun müxtəlif detalları (şkifaltı kəmərin roliki, elektrik mühərriki, karniz, karniz rolikləri, fren, işçi əyləc qəlibi, beyin kartı, pillə plastması, işçi əyləc dolağı və s.) təmir olunub.


Azvision.az

Teqlər: AAYDA   Təmir   Eskalator