İmişlidə dələduzluq edən şəxs saxlanılıb

İmişlidə dələduzluq edən şəxs saxlanılıb
  03 Dekabr 2020    Oxunub:1755
İmişli rayonunda vətəndaşların etibarından sui-istifadə edərək onlara qarşı dələduzluq əməlləri törətməkdə şübhəli bilinən rayon sakini Sevda Quliyeva polis əməkdaşlarının keçirdikləri istintaq və əməliyyat-axtarış tədbirləri nəticəsində saxlanılıb.
Daxili İşlər Nazirliyinin Mətbuat Xidmətinin Bərdə regional qrupundan Azvision.az -a verilən məlumata görə, araşdırmalar zamanı Sevda Quliyevanın İmişli rayonunda yaşayan sakinləri dələduzluq edərək müxtəlif bəhanələrlə aldatması nəticəsində ayrı-ayrı vətəndaşlara 90 min manatdan artıq məbləğdə ziyan vurduğu müəyyən edilib.

S.Quliyevanın analoji cinayətlər törətdiyi də istisna edilmir. Onun əməllərindən zərərçəkən başqa vətəndaşlar varsa, bu barədə Daxili İşlər Nazirliyinin 102 - Zəng Mərkəzinə və İmişli Rayon Polis Şöbəsinə məlumat vermələri xahiş olunur.

Azvision.az


Teqlər: İmişli   Dələduzluq  





Xəbər lenti