Paşinyanın oğlunun bar fotosu Ermənistanda qəzəblə qarşılandı

  12 Fevral 2021    Oxunub : 1832
 Paşinyanın oğlunun bar fotosu Ermənistanda qəzəblə qarşılandı
Ermənistanın baş naziri Nikol Paşinyanın oğlu Aşot Paşinyan yenidən qalmaqalla gündəmə gəlib.
Azvision.az xəbər verir ki, erməni KİV-lərində yer alan məlumata görə, Paşinyan ailəsi İrəvanda, Moskvada və ABŞ-dakı restoranlarda kef məclisləri təşkil edir, xalqın necə acınacaqlı halda olduğunu düşünmür.

Bu gün isə baş nazirin oğlu Aşotun barda əyləndiyini əks etdirən görüntülər yayılıb. Onun sosial şəbəkələrdə paylaşılan fotosu etiraz doğurub.

“Aşot xoşbəxt siması ilə barlardan birində görüntülənib. Kanadalı jurnalist Nil Hauer özünün “Twitter” hesabında yaydığı fotodan ölkə rəhbərinin ailəsinin hansı ab-havada olduğu aşkar görünür. Hauer özü də qeyd edib ki, fotoda Nikol Paşinyanın oğlu Aşot Paşinyanla barda qarşılaşıblar. Xalq hələ də yüzlərlə itkin oğlunu axtarır, baş nazirin oğlu isə bayram, kef əhval-ruhiyyəsində barları gəzir”,- deyə erməni mətbuatı yazıb.

Tural Tağıyev
Azvision.az

Teqlər: Paşinyan   Bar   Aşot