Bu il general olacaqdı, Şuşada məhv edildi

   Bu il general olacaqdı,    Şuşada məhv edildi
  09 Noyabr 2021    Oxunub:3232
Ermənistan mediası polkovnik, Qarabağda mövcud olmuş keçmiş qondarma rejimin "ordu" komandanının müavini Ovanes Avakyan haqqında məqalə dərc edib. AzVision.az xəbər verir ki, yazıda diqqət çəkən məqam onun general olmaq arzusunu məhz Azərbaycan hərbçilərinin ürəyində qoyması olub.
Ovanesin ailəsi ilə müsahibə edən jurnalist qeyd edir ki, Avakyan kapitulyasiya aktının imzalanmasından iki gün əvvəl Şuşada gedən döyüşlər zamanı məhv edilib.

Arvadı İnessa Dalqanyan isə ərinin general rütbəsinə çata bilməməsindən danışıb.

-Avakyan bu il general rütbəsini alacaqdı. 2020-ci ilin sentyabrın 21-də ailəmiz Şuşada idi. O bizə yaxınlaşaraq dedi ki, "gələn il, bu gün mən "prezident iqamətgahı"nda olacaq və general rütbəsi alacağam".

Babayandan Paşinyana Şuşa ittihamı: "Hamımızı aldatdın!"
İki övladının Moskvada doğulduğunu xatırladan qadın ərinin Rusiyada bir sıra məşhur hərbi məktəbləri bitirməsindən və Putinlə olan dialoqundan da söz açıb.

- Avakyan atəşkəsdən iki gün əvvəl, noyabrın 7-də Şuşa şəhərinin ətrafında öldürüldü. Polkovnikin atası deyir ki, əgər şəhər artıq ayın 5-də mühasirəyə alınmışdısa, oğlunun noyabrın 7-də Şuşaya necə və niyə getməsi sualının cavabını tapa bilmir-,məqalədə yazılıb.

Tural Tağıyev
AzVision.az

Teqlər:   Şuşa   General   Erməni  







Xəbər lenti