İrəvanda müharibə "qəhrəmanı"nın abidəsi təhqir olundu - FOTO

// Polis "türk izi" axtarır

İrəvanda müharibə "qəhrəmanı"nın abidəsi təhqir olundu - FOTO
  14 Aprel 2022    Oxunub:1342
Ermənistanda Qarabağ müharibəsinin "qəhrəman"ı sayılan Leonid Azqaldyanın abidəsi təhqir edilib. Zədələnmiş büstə dair fotoları rəssam Haqtanak Şahumyanın oğlu Ara Şaumyan da daxil olmaqla xeyli sayda sosial şəbəkə istifadəçisi yayıb.
İrəvanda Qandinin abidəsi yandırıldı - “Bu, bizə şərəf gətirmir”
Polis isə bəyan edib ki, onlara vətəndaşlardan biri tərəfindən aprelin 13-ü axşam saatlarında hadisə ilə bağlı məlumat daxil olub. Naməlum şəxslərin İrəvanın mərkəzindəki binalardan birinin üzərində quraşdırılmış Azqaldiyanın təsviri olan büstün zədələməsi bildirilib. Şaumyan özü isə iddia edib ki, guya bu, türklərin əl işidir. "Ermənistanın türklər və onların agentləri ilə dolub-daşmasına zərrə qədər də şübhəm yoxdur. Belə bir hibrid müharibə gedir", - Şaumyan yazıb.

Qeyd edək ki, Ermənistanda abidə və ya heykəllərin təhqir edilməsi adi hal alıb. İkinci Qarabağ müharibəsindən sonra onlarla oxşar hal yaşanıb. Ötən il ermənilər yəhudi soyqırımına dair abidəni təhqir etmişdilər. Bundan başqa Hindistanın mənəvi lideri olan Qandinin heykəli də yandırılmışdı.
Tural Tağıyev
AzVision.az



Teqlər:   Ermənistan   Abidə  





Xəbər lenti


Azvision.az ©2014 | Bütün hüquqları qorunur