"Rusiya Kiyevə qarşı nüvədən istifadəni müzakirə edir" - The New York Times

"Rusiya Kiyevə qarşı nüvədən istifadəni müzakirə edir" - The New York Times
  02 Noyabr 2022    Oxunub:677
Rusiya Federasiyasının ali hərbi rəhbərliyi Ukraynada nüvə silahından istifadəni müzakirə edib. Bu müzakirələr ABŞ prezidenti Co Baydenin rəhbərlik etdiyi administrasiyanı təşvişə salıb. Çünki bu, Moskvanın döyüş meydanındakı uğursuzluqlarından nə qədər məyus olduğunu göstərir.
AzVision.az xəbər verir ki, bu barədə “The New York Times” yazıb. Məqalə müəllifi qeyd edib ki, Kreml rəhbəri Vladimir Putin Rusiyanın nüvə ritorikasının artması və döyüş meydanında uğursuzluqlar fonunda gedən bu danışıqlarda iştirak etməyib.

"Lakin Rusiya ali hərbi rəhbərliyinin belə müzakirələr aparmasının özü Bayden administrasiyasını təşvişə salıb", - nəşr yazıb.

Bu müzakirələr onu göstərir ki, Putinin nüvə silahından istifadə ilə bağlı hədələri sadəcə adi söz ola bilməz.

"2023-də Kiyevə qarşı nüvədən istifadə olunmayacaq" - ISW
Bununla belə, ABŞ rəsmiləri Rusiyanın nüvə silahlarını harasa daşımasına və ya zərbəyə hazırlaşmaq üçün müəyyən addımlar atmasına dair heç bir dəlil görmədiklərini bəyan edirlər.

NYT-nin məlumatına görə, Rusiya hərbi rəhbərliyi arasında aparılmış nüvə silahı ilə bağlı danışıqlara dair məlumatlar hələ oktyabrın ortalarında ABŞ hökuməti daxilində "tirajlanıb".

ABŞ Milli Təhlükəsizlik Şurasının strateji kommunikasiyalar üzrə koordinatoru Con Kirbi isə Rusiya hərbi liderləri arasında aparılmış bu müzakirələrə dair məlumatların təfərrüatlarını şərh etməkdən imtina edib.

Rusiya tərəfi hələlik məşhur nəşrin yaydığı məlumatı şərh etməyib.

Xatırladaq ki, sentyabrın 21-də Rusiya Federasiyasında qismən səfərbərlik elan edilən zaman Putin nüvə zərbəsi barədə xəbərdarlıq etmişdi.
Tural Tağıyev
AzVision.az



Teqlər:   Rusiya   Nüvə   Ukrayna  





Xəbər lenti


Azvision.az ©2014 | Bütün hüquqları qorunur