Xerson uğursuzluğundan sonra diqqət Donbasa yönələcək - ISW

Xerson uğursuzluğundan sonra diqqət Donbasa yönələcək - ISW
  14 Noyabr 2022    Oxunub:1198
Rusiyanın Donetsk vilayətində hücum əməliyyatları yaxın həftələrdə daha da intensivləşəcək. Buna səbəb bölgəyə daha çox səfərbər edilmiş qoşunların, eləcə də Xerson vilayətinin qərb hissəsindən çıxarılan hərbi qüvvələrin daşınmasıdır.
AzVision.az xəbər verir ki, bu barədə ABŞ-ın Müharibə Araşdırmaları İnstitutu (ISW) məlumat yayıb. İnstitutun analitiklərinin son hesabatında qeyd edilir ki, bölgədəki Ukrayna qüvvələri güclü təzyiqə məruz qalacaqlar. Kiyev çox güman ki, Rusiyanın bu canlanmış hücumlarından müdafiə üçün qoşunlarını yenidən ərazidə geniş şəkildə yerləşdirməli olacaq.

Səfərbərliyə alınan ruslar komandirlərinə tabe olmurlar - VİDEO
Analitiklərin fikrincə, rusların səylərinə baxmayaraq, çətin ki, onlar əhəmiyyətli dərəcədə uğurlar əldə edə bilsinlər. Amma zamanla böyük itkilər bahasına Baxmutu ala bilərlər.

Hesabatda qeyd edilir ki, Rusiyada səfərbər edilmiş hərbi qulluqçular kifayət qədər hazırlıqlıqsız, zəif təchiz olunmuş və döyüşə çox həvəssiz olurlar.

Ekspertlər xüsusi olaraq vurğulayırlar ki, səfərbər olunanlar cəbhəyə birləşmiş bölüklər şəklində gəlmirlər. Əksinə, yeni qüvvələr doqquz aydır fasiləsiz döyüşən, heyət və texnika baxımdan dağıdıcı itkilərə məruz qalan, özləri də əsasən ruhdan düşmüş bölmələri əvəz etmək üçün tək-tək və ya kiçik hissələr kimi göndərilirlər.

Tural Tağıyev
AzVision.az



Teqlər:   Ukrayna   Səfərbər  





Xəbər lenti


Azvision.az ©2014 | Bütün hüquqları qorunur